Գեղարքունիքի մարզ, Դդմաշենի մանկապարտեզ

«ՕՀՄ ԷՆԵՐՋԻ» ընկերությունը «Զարգացող երկրներում կլիմայի փոփոխության մեղմման և կլիմայի ադապտացման համար լուծումների և տեխնոլոգիաների ներդրում՝ փոխանցելով լիտվական փորձը» ծրագրի շրջանակներում, համագործակցելով «Solet Technics» ընկերության հետ, Լիտվայի Հանրապետության բնապահպանության նախարարությանը կից Բնապահպանական նախագծերի կառավարման գործակալության հետ իրականացնում է  մշակութային տների, դպրոցների, մանկապարտեզների և նմանատիպ այլ կառույցների արևային կայանների ձեռքբերման ծրագրի ֆինանսավորում։

Ծրագրում ընդգրկվել է նաև Սևան համայնքի Դդմաշեն բնակավայրի մանկապարտեզը, որտեղ արդեն տեղադրվել է 10 կիլովատտ ժամ հզորության արևային  ֆոտովոլտային կայան: Ֆոտովոլտային կայանի տեղադրման համար Սևանի համայնքապետարանը կատարել է ներդրում` 1600 եվրոյին համարժեք ՀՀ դրամի չափով, որը ծրագրի իրականացման արժեքի 10 տոկոսն է: